Kulowesibili obehlala koBulawayo obulewe ngumkhuhlane we coronavirus osekwenze inani labatholakale belegcikwane leli lifike kutshumi lanye.
Ugatasha lwezempilakahle lwethule umbiko izolo othi umuyi ubeleminyaka engamatshumi ayisikhombisa lasithoba munwe munye, 79.
Umuyi ubikwa ebhubhe esibhedlela sako Bulawayo esingaqanjwanga igama kodwa abazi ngokwenzakalayo bathi lesi sibhedlela yi Mater Dei.
Umbiko lo uthi izolo kulabantu abangamatshumi lantathu abahloliweyo ukuthi bengaba belegcikwane leli umuyi nguye otholakale elalo kodwa ngokuswelakala kwenmhlanhla wasitshiya.
Umuyi ubukwa engakaze aphume phandle kwelizwe kodwa ubeke wavakatshela eHwange lapho okwandise ukuvakatshelwa yizethekeleli zakwamanye amazwe.
Okwethuse abanengi yikuthi umuyi ubhubhe ngoMgqibelo kodwa uzulu waziswe izolo okutsho ukuthi engaba ethelele abantu abanengi ngoba ubengazi ukuthi ulalo leligcikwane.