UMongameli Emmerson Mnangagwa izolo usayine umthetho ovimba ukuxotshwa kwabantu abalakho ukwehluleka ukubhadala i-rent ngalesisikhathi inengi lingayi emsebenzini ngenxa yomkhuhlane weCoronavirus.
UMnangagwa usayine umthetho lo ngemva kokuvumelana kwedale labaphathintambo bakahulumende wakhe, eleCabinet, phezu kwawo ngoLwesibili.
Umthetho lo uthi abaloja ezindlini zokuhlala kanye lasendaweni zamabhizimusi bavunyelwe ukuthi bengabhadali i-rent kuze kususwe iziqondiso zokuvalwa kwelizwe nxa sokwedlule iCoronavirus.
Uthi njalo lanxa abanikazi bezindlu belelungelo lokuhlawulwa i-rent yenyanga zonke nxa ilizwe selivuliwe, kulicala ukuthi babhadalise abantu i-rent isizele.
Abalojayo bayalithakazelela leli nyathelo kodwa abanikazi bezindli bakhala ngokuthi inhlawulo ye-rent yiyo ebaphathisa ukondla imuli zabo.
Sixoxe lowalwa impi yenkululeko njalo eyisakhamusi sakoBulawayo uMnu Max Mnkandla yena othe uyalincoma kakhulu inyathelo elithethwe nguhulumende.
Your browser doesn’t support HTML5
Ingxoxo loMnu Max Mnkandla