Inengi lithi lanxa uhulumende esesungule inhlelo ezithile zokuphathisa uzulu ngesikhathi lesi ilizwe livaliwe ngenxa yeCoronavirus, umehluko awukacaci kuhle ngoba ukudla, amanzi, imali, lokunye kulokhu kusilela.
Inhlelo lezi zigoqela olokuthengisela abantu impuphu ezindlini njalo uhulumende uthi uphakathi kokuphathisa abaswelayo ngokudla lemali.
Kodwa umkhokheli wenhlanganiso yabaphila ngokuthengisa eyeBulawayo Vendors and Traders Association uMnu Aleck Ndlovu uthi njengabantu abaphila ngokuthengisa, azikabafinyeleli lezi nhlelo.
Your browser doesn’t support HTML5
Ingxoxo loMnu Aleck Ndlovu
Kodwa isiphathamandla seZanu PF uMnu Joseph Tshuma utshele iStudio 7 ukuthi lanxa abanye bekhala, bakhona asebelutholile usizo lukahulumende.
Your browser doesn’t support HTML5
Ingxoxo loMnu Joseph Tshuma