Imali entsha eyisilinganiso seZ$10 ebambeneyo izaqala ukusebenza namuhla.
Amabhanga lawo azakhweza imali umuntu enelisa ukuyithatha ngeviki isuka kumakhulu amathathu amadola isiya kumadola ayinkulungwane eyodwa.
I-Z$20 entsha yona izakwethula ngeviki yakuqala ngenyanga ezayo.
Lokhu kuza ngesikhathi umnotho welizwe uqhubeka utshabalala.
Idola leMelika elilodwa izolo belilingana lamadola eZimbabwe angamatshumi aphakathi kwamahlanu lanhlanu kusiya kwangamatshumi amahlanu lasitshiyangalombili.
Ingcwethi ecubungula ezenotho uMnu Reggie Shoko utshele umsakazo weStudio 7 ukuthi imali entsha le ayisoze iphathise uzulu ngoba umnotho welizwe usuwonakale kakhulu.
Your browser doesn’t support HTML5
Ingxoxo loMnu Reggie Shoko
Amazwi kaShoko agcizelelwe ngenye njalo ingcwethi kwezenotho uMnu Rejoice Ngwenya.
Your browser doesn’t support HTML5
Ingxoxo loMnu Rejoice Ngwenya