Isihudo esiqhamuke koBulawayo ngeviki edluleyo sibikwa singaba sesiphelile.
Kulabantu abanengi ababikwa besiwe esibhedlela bephethwe yisihudo lesi.
Lanxa abomtholampilo bengasichasiselanga ukuthi udubo lolu lungaba luqale njani, izakhamizi zithi zicabangela ukuthi impompi zamanzi zingaba zidubukile amanzi asehlangana lawalengcekeza yezambuzi.
Ukhansila kaWard 15, egoqela Esiqongweni, Old Luveve, New Luveve leLuveve Industries, uNkosazana Febbie Msipa, utshele iStudio 7 ukuthi lukhanya solunganeno loludubo.
UNkosazana Msipa uphinde walandula imbiko yokuthi ukhona obhubhileyo ngenxa yesihudo lesi.
Your browser doesn’t support HTML5
Ingxoxo loNkosazana Febbie Msipa
Umgcinisihlalo wenhlanganiso yezakhamizi zalelidolobho eyeBulawayo Progressive Residents’ Association, uMnu. Ambrose Sibindi yena uthe sebecele umasipala ukuthi aphenye loludaba.
Your browser doesn’t support HTML5
Ingxoxo loMnu Ambrose Sibindi