Umthethwandaba we High Court usulahle isicelo sebandla le MDC Alliance sokumisa ibandla le MDC-T ukuthi lixotshise amalunga alelibandla edale. Ngenya edluleyo ibandla leMDC-T laxotshisa amalunga edale amane.
Isinqumo esethulwe namuhla sithi ibandla leMDC Alliance alingeke lathi lizimele lodwa phandle kwe MDC-T ngoba lingale sisekelo sombuso.
Ngalokho umthethwandaba uthe okwenziwa libandla leMDC-T ukuxotshisa amalunga alelibandla kusemthethweni.
Ibandla leMDC Alliance yilo elethulela umthethwandaba loludaba lisithi luthoniswe ngesiphangiphangi kodwa umthethwandaba uthe akula okukhomba ukuba loludaba lumele lwalumele luthoniswe ngesiphangiphangi.
UChris Gande we Studio Seven uxoxe lesikhulumeli sikaMnu. Chamisa, uMnu. Nkululeko Sibanda othi ibandla leMDC Alliance alisoze liphambuke kunjonga yalo yokulwela umbuso okhululekileyo ngalesisinqumo.
Your browser doesn’t support HTML5
Ingxoxo loMnu. Nkululeko Sibanda
Njengoba iStudio Seven ingasekeli hlangothi, uChris gande uphinde waxoxa lesikhulumelå sikaNkosazana Thokozani Khupe umkhokheli weMDC-T, uMnu. Khaliphani Phugeni othi bazaxotshisa wonke amalunga edale lephalamende angafuni ukulandela izixwayiso zebandla labo.
Your browser doesn’t support HTML5
Ingxoxo loMnu. Khaliphani Phugeni