Ikhansili yakoBulawayo ithi ingcwethi zayo zisadingisisa imbangela yokungcola kwamanzi kulelidolobho osokubangele izimfa lokugula kwabantu elokitshini leLuveve.
UMayor waleli dolobho uMnu Solomon Mguni lomphathintambo kahulumende obona ngokwenzakala edolobheni leli uNkosikazi Judith Ncube bethekelele eLuveve izolo ukuyahlolisisa umumo.
UNkosikazi Ncube utshele lumsakazo ukuthi ngoMvulo besokufe abantu abayisitshiyangalombili kulelilokitshi bekhala ngesihudo esicatshengelwa ukuthi ngumkhuhlane weTyphoid.
“Lami nginanzelele izolo ngivula amanzi ngathola ukuthi abomvu, akhanya ele-rust,” kutsho ukhansila weLuveve uNkosikazi Febbie Msipha.
UNkosikazi Msipha wengeze wathi izakhamizi zicabangela ukuthi kwadubuka impompi kwasokuhlangana amanzi lengcekeza yezambuzi.
Your browser doesn’t support HTML5
Ingxoxo loNkosikazi Febbie Msipha