WASHINGTON DC —
Inhlanganiso ezilwela amalungelo entathelizindaba kanye lezisebenza lozulu zithi amasotsha lamapholisa atshaye intatelizindaba ezimbili ngoLwesithathu eHarare kumele abotshwe ajeziswe.
UMnu Leopold Munhende osebenzela inkundla yeNewZimbabwe.com loMunashe Chakodza osebenzela i-263Chart bathi babhaxabulwa ngamapholisa lamasotsha elokitshini leWarren Park bevela emsebenzini bengonanga lutho.
Inhlanganiso yeMisa Zimbabwe ithi ukutshaywa kwababili laba kutshengisa ukuthi uhulumende kahloniphi amalungelo entathelizindaba.
Ithi uhulumende kumele abekwazi ukuthi ukuba yintathelizindaba ayisilocala. UMunhende laye usole isehlakalo lesi kungxoxo ayenze leStudio 7.
Your browser doesn’t support HTML5
Ingxoxo loMnu Leopold Munhende