Abantu abahlome ngemibhobho babikwa begqekeze indlu yomkhokheli wenhlanganiso yababalisi bemaphandleni, eyeAlmagamated Rural Teachers Union of Zimbabwe (ARTUZ), uMnu. Obert Masaraure, bamswela kodwa bathumba umkakhe.
Inhlanganiso yeARTUZ ithi umka Masaraure uthunjwe okwehola phose elilodwa bembuzisisa ukuthi umkakhe ungaphi kodwa wabatshela ukuthi kazi ukuthi ungaphi baze bamkhulula.
Ngempelasonto kulabanye njalo abantu ababehlome ngemibhobho ababikwa baya emzini kamalume kaMasaraure eKuwadzana bathumba umzawakhe bayamhlukuluza bembuza ukuthi uMasaraure ungaphi.
Amapholisa abikwa etsheliwe ngaloludaba kodwa imizamo yokukhuluma lawo yehlule. Senelise ukuxoxa lesikhulumeli senhlanganiso yeARTUZ, uMnu. Nation Madzitirwa, ukuze sizwe okunengi ngaloludaba.
Your browser doesn’t support HTML5
Ingxoxo loMnu. Nation Madzitirwa