WASHINGTON DC —
Inani labantu asebebanjwe umkhuhlane weCoronavirus eZimbabwe likhwele laya ku-1820 izolo ngemva kokufunyanwa kwabantu abalikhulu lasikhombisa, 107, belomkhuhlane lo.
Abalitshumi lasikhombisa babantu laba ngabavele kweleSouth Africa kuthi abayisithupha ngabavele kwelebotswana.
Abangamatshumi ayisitshiyangalombili lane bathole umkhuhlane lo khonapha elizweni.
Ugatsha lwezempilakahle luthi abantu abafunyanwe sebesindile kulumkhuhlane izolo njalo bangamatshumi amabili lantathu. Lokhu kukhweze inani lasebepholile laya ku-864.
Asebefile bona bangamatshumi amabili lasithupha.