Umhlangano webandla eliphikisayo lamaDemocrats owokukhetha uMnu Joe Biden ngokusemthethweni ukuthi ancintise elimele kukhetho lukaMongameli, oweNational Convention uqalile izolo.
Umhlangano lo uzaqhutshelwa kumabonakude ngenxa yeCovid-19 njalo uphela ngoLwesine.
Abazakhuluma kuwo bekhuthaza uzulu ukuthi avotele uMnu Biden bagoqela owake waba nguMongameli uMnu Barack Obama.
Owebandla lamaRepublicans wona uzakwenziwa ngeviki ezayo lapho ibandla leli elizakwethesa khona uMongameli Donald Trump inkatha ngokusemthethweni yokuthi ancintise elimele.
Ukukhethwa kwababaili laba kuza ngesikhathi sokudonselana okukhulu phezu kokuvota ngeposo kulokuya kuma-polling stations, okuyinto ebivele isenziwa.
Kodwa uTrump uyakuphikisa lokhu esithi ukuvota ngesopo abantu bebanengi kulakho ukwenza kube lokuqilibezela kulolukhetho.
Kodwa abanye kubandla lakhe lamaDemocrats abavumelani laye. Sixoxe lesizalwane seZimbabwe esihlala eTexas uMnu Garry Thwala Jackson yena othe uvumelana loMongameli Trump kuloludaba.
Your browser doesn’t support HTML5
Ingxoxo loMnu Garry Thwala Jackson