Ingcwethi kwezempilakahle zithi ikhefu lakusasa ngapha kweleMelika, elezisebenzi, lilakho ukubangela ukuqansa kwenani labalegcikwane le coronavirus.
EleMelika lilabantu abazinkululungwane ezingamatshumi amane, 40 000 ababanjwa umkhuhlane wecovid 19 ngelanga.
Enye ingcwethi kwezempilakalhe owakhethwa ukukhokhela umkhankaso wokulwisana lokumemetheka kwegcikwane le coronavirus, uDokotela Anthony Faucci uthi indlela abantu abazaziphatha ngayo ngekhefu lakusasa kuzakhomba ukuthi leligcikwane lizamemetheka okunganani ngesikhathi somqando esizaqala kunyanga ezimbili eizayo.
Sixoxe lesizalwane seZimbabwe esihlala ngapha kweleMelika, uMnu. Phithi Ngcobo ongutitshala esigabeni seMaryland sambuza ukuthi ulubona njani udaba lwegcikwane le coronavirus kweleelika lezinsuku?
Your browser doesn’t support HTML5
Ingxoxo loMnu. Phithi Ngcobo