Namuhla lilalanga lokunanza izizalwane zeMelika ezabulawa ngabahlamuki benhlanganiso ye Al Qaeda ngomnyaka ka 2001.
Kwabhubha abantu abafika phose inkulungwane ezintathu, 2 977 kwalimala abedlula inkulungwane ezedlula inkulungwane ezingamatshumi amabili lanhlanu, 25 000.
Ngalelilanga abahlamuki abafika phose amatshumi amabili bangena endizamtshineni ezine ezazilibhekise eCalifornia babamba ngamandla abatshayeli bazo ukuthi bayotshayelela ezakhiweni ezimbili.
Indizamtshina ezimbili zatshayelela isakhiwo se World Trade Centre edolobheni le New York Eyodwa yangikilana lesigoldlo sabomvikela edolobheni leVirginia.
Enye yalezindizamtshina yawela edolobheni le Pennsylvania ngemva kokuba ababephakathi kwayo balwisana labahlamuki laba ababefuna ukuthi ilubhekise esigdlweni se Washington D.C.
Bekulemicimbi yokunanaza abafayo ngengozi lezi endaweni okwawela lezindizamtshina. Umongameli Donald Trump ubesedolobheni le Pennsylvania lapho okwawela khona indizamtshina.
Ukuhlaziya loludaba uChris Gande weStudio Seven uxoxe lesizalwane seZimbabwe esihlala ngapha kweleMelika, uMnu. Mandla Mkhwananzi.
Your browser doesn’t support HTML5
Ingxoxo loMnu. Mandla Mkhwananzi