Inhlanganiso yeMisa Zimbabwe ithi amapholisa kumele avumele intathelizindaba ukusebenza zikhululekile ngesikhathi lesi sokuvalwa kwelizwe emizameni yokwenqabela ukumemetheka komkhuhlane weCovid-19.
Inhlanganiso le ibhalele usikomitshi wamapholisa uMnu Godwin Matanga incwadi izolo ngaloludaba ngoba ezinye intathelizindaba zike zabotshwa njalo ezinye zahlukuluzwa ekuvalweni kwelizwe kuqala.
IMisa Zimbabwe ithi intathelizindaba kumele zifakwe esibayeni sezisebenzi ezibalulekileyo okuyizo zodwa ezivunyelwa ukusebenza ngesikhathu ilizwe livaliwe.
Isiphathamandla senhlanganiso emela intathelizindaba iYoung Journalists Association uMnu Leo Munhende utshele iStudio 7 ukuthi byalisekela inyathelo leMisa ngoba intathelizindaba zithwaliswe gadalala ngamapholisa ku-lockdown yakuqala.
Your browser doesn’t support HTML5
Ingxoxo loMnu Leo Munhende