Ibandla leMDC Alliance lithi ukubotshwa kweziphathamandla zalo ezibalisa uMnu Job Sikhala loNkosazana Fadzayi Mahere kanye lentathelizindaba uHopewell Chin’ono yindlela kahulumende yokuhlukuluza abantu abaphikisana laye.
Abathathu laba betheswa icala lokuqamba amanga ngemva kokwethula imbiko eyayisithi kulepholisa leHarare elatshaya usana lubelethwe ngunina lwafa.
Abasolwa bavalelwe njalo bake bamiswa emthethwandaba izolo lakuthange.
Bayakuphikisa ukuvalelwa kwabo besithi umthetho ababotshwe phansi kwawo kudala wesulwa yinkantolo yeConstitutional Court.
Umsekeli wesikhulumeli seMDC Alliance uMnu Felix Magalela Mafa Sibanda utshele iStudio 7 ukuthi bayakusola kakhulu ukuhlukuluzwa kwabathathu laba.
Your browser doesn’t support HTML5
Ingxoxo loMnu Believe Gaule
Kodwa ilunga leZanu PF uMnu Believe Gaule ukulandule ukuthi uhulumende uzama nje ukwethusela abasolwa laba esithi kusobala ukuthi badala icala.
Your browser doesn’t support HTML5
Ingxoxo loMnu Felix Magalela Mafa Sibanda