Lanxa isikhulumeli sikahulumende uMnu Nick Mangwana esexolisile phezu kwamazwi akhe okuthi kulabodokotela abazonda ibandla leZanu PF ababulala iziphathamandla zikahulumende ezibhedlela ngabomo, umqondisi obona ngokwethulwa kwembiko kulelibandla uMnu Tafazwa Mugwadi uthi lokhu kungaba liqiniso njalo uthi udaba lolu kumele lukhangelisiswe.
UMangwana uxolise ngemva kokuhlaselwa nguzulu lenhlanganiso ezitshiyeneyo ezigoqela iZimbabwe Lawyers for Human Rights.
Kodwa ebhala enkundleni yeTwitter izolo uMugwadi uthe ngempela bengaba bekhona odokotela ababulala iziphathamandla zeZanu PF ezibhedlela ngabomo besebenzelana labantu beMDC.
Kubhubhe iziphathamandla zeZanu PF ezinengi ngeviki edluleyo ngomkhuhlane weCovid-19. Ukuhlaziya amazwi kaMangwana uNtungamili Nkomo uxoxe loMnu Zenzele Ndebele.
Your browser doesn’t support HTML5
Ingxoxo loMnu. Zenzele Ndebele