Amalunga edale le senate lakweleMelika lifungiswe ukuthoniswa kwecala likaMnu. Donald Trump owayengumongameli welizwe owetheswa icala lokutshotshozela umvukela.
Abalandeli baka Trump bavuka eseganga bangena edale le congress balwisana lamapholisa.
Sokuhle kwaqala imizamo yokuncengana kwamalunga amabandla amabili awama Republicans lama Democrats ngoba kumele kube lamalunga esenate ayisilinganiso sokubili kokuthathu, two thirds ngesilungu.
Kodwa elinye iluna le senate, uMnu. Rand Paul uthe uTrump akumelanga athoniswe ngoba engasomongameli kwasekuvotwa.
Impumela yalivoti itshengise ukuba amalunga ama Republicans angamatshumi amane lanhlanu, 45, avote evumelana lo Mnu. Paul.
Sixoxe lesizalwane sezimbabwe esihlala ngapha kwelemelika, uMnu. Gerry Thwala Jackson othi umbuso kaMongameli Joe Biden awukabonakali ukuthi uhamba ngonyawo olulungileyo.
Your browser doesn’t support HTML5
Ingxoxo loMnu. Gerry Thwala Jackson