EleChina seliphe eleZimbabwe amanye njalo amajekiseni okuvikela iCovid-19 azinkulungwane ezingamakhulu amabili, 200,000.
Lokhu kwaziswe ngumeli weChina eZimbabwe izolo. Amajekiseni alungiswe yinkampani yaseChina iSinopharm aphiwe iZimbabwe kuqala afike eHarare kunsukwana ezedluleyo njalo yiwo asetshenziswayo khathesi ukuhlaba izisebenzi eziqakathekileyo ezigoqela ezempilakahle.
Isipho esitsha lesi sitsho ukuthi eleChina seliphe eleZimbabwe amajekiseni afika phose ingxenye yesigidi, 400,000.
Isikhulumeli sikaMongameli Emmerson Mnangagwa uMnu George Charamba wazise izolo ukuthi uhulumende uzathenga amajekiseni edlula kancane isigidi, 1,2 million kweleChina.
Kodwa abantu balokuthandabunga ngejekiseni yaseChina le.
Sixoxe lesiphathamandla seZimbabwe Christian Alliance yona ephathisa izibhedlela ezitsheyeneyo ngezinto zokusebenzisa ekulwisaneni leCoronavirus uMnu Useni Sibanda.
Your browser doesn’t support HTML5
Ingxoxo loMfundisi Useni Sibanda