Inhlanganiso elwela amalungelo ababalisi eye Almagalmated Rural Teachers Union of Zimbabwe ithi amalunga ayo azakhalala umsebenzi ngokupheleleyo ngoLwesihlanu nxa uhulumende engalalelanga izikhalazo zayo zokuthi akhuphule iholo labo.
Lokhu kulandela ukutshengisela kwamalunga alinhlanganiso ebulenjini ngaloludaba, kanye lokubotshwa kwababalisi abalitshumi eHwedza izolo.
Ukuze sizwe okunengi ngaloludaba, uSithandekile Mhlanga weStudio 7 uxoxe loMnu. Thembakuye Moyo, isikhulumeli salinhlanganiso, yena othi ababalisi bazihlalele emakhaya ngoba bengelamali eneleyo yokuthi baye emsebenzini.
Uhulumende ubikwa esithi ukuvulwa kwezikolo ngoMvulo kuqhubeke kuhle njalo inengi lababalisi belikhona ezikolo, kukanti uhlezi esithi ukhulumisana lezisebenzi zakhe ngodaba lweholo.
Your browser doesn’t support HTML5
Ingxoxo loMnu. Thembakuye Moyo