Umhlali wakoBulawayo uNkosikazi Cora Ndebele osungule umkhankaso wokukhuthaza abantu ukuthi bebhalisele ukuvota oqhutshwa ngomama owe “Be a Registered Voter Campaign,” ngeviki edluleyo uthi nxa wonke amacebo esehlula, owesifazana kufanele ancitshe umyeni wakhe ucansi, engaphakeli abantwana asebekhulile ukudla, njalo axotshe iloja ngoba bebuyisela isigaba seMatabeleland lakoBulawayo emuva ngokungabhalisi.
UNkosikazi Ndebele utshele uSithandekile Mhlanga weStudio 7 ukuthi usexoxisane lenhlanganiso yeZEC kanye lehofisi kamsitheli ngengxaki ezenqabela abantu ukuthi bebhalisele ukuvota.