Washington DC..............
*** Sekuqhamuke umkhuhlane wesihudo elokitshini lePumula North koBulawayo lapho izakhamizi ezedlula ikhulu ziphathekile kakhulu inengi lazo sezidinga usizo lokwelatshwa ekilinika ekulelo lokitshi. Phakathi kwabadinga ukwelatshwa kulomntwana oyedwa ulalisiwe esibhedlela seMpilo Central Hospital ngalesi sihudo.
*** Ikomishini elawula ngezokhetho elizweni eyeZimbabwe Electoral Commission ithi isithole imali eyeneleyo yokuqhuba uhlelo lokwehlukanisa izigaba olwe Delimitation. Abe komishini le bakhuthaza uzulu ukuthi atshiyane lodlakela lwezombusazwe osolubhahile elizweni.
*** Iqembu lamaChevrons elimmela I Zimbabwe emdlalweni kakhilikithi selenelise ukuyadlala emncintisweni wenkezo yamazwe womhlaba eye ICC Men’s T20 World Cup, ozadlalelwa kwele Australia ngomnyaka ozayo, ngokunqoba elikwenze iqembu lakwele Papua New Guineau namhlanje.
*** Kuliviki kuhlelo Woza Friday silomculi osakhulayo, uLondile Muzomuhle Siwela, owazakala ngegama lokuthi ngu Loundy, yena ucula umdumo weHip Hop ekoBulawayo.
***KuLivetalk namhlanje, sikhangela udlakela phakathi kwamabandla ezombusazwe, osolubhahile eZimbabwe ngalezi nsuku ngaphambilini kokhetho lomnyaka ozayo oka2023, lokudinga umongameli, amalunga edale lephalamende lamakhansila elizweni jikelele
Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318. Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke. Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.