Washington DC........
***Umongameli Emmerson Mnangagwa uthi uhulumende wakhe uzimisele ukulondoloza umbuso okhululekileyo njalo eleZimbabwe alisoze litshelwe ngamazwe ayeloncindezelo ukuthi liqhube njani inhlelo zalo. Ukhulume la amazwi embuthanweni wokunanza amaqhawe elizwe owe National Heroes's Day eHarare.
***Abalwa impi yenkululeko bathi kumele uhulumende abahloniphe ngokubanika amapentsheni alohlonzi hatshi abakuthola khonamanje. Bathi bahola amadola eMelika aphansi kwamakhulu amabili amadola eMelika, okwenza behlupheke okumangalisayo. UMnu. Isaac Mabuka, owalwa impi yenkululeko njalo owamanje okubandla leZapu, uthi kunengi okumele kwenzakale eZimbabwe ukuze uzulu azibuse.
***Ingcwethi zezempilakahle lezenhlakahle kazulu zithi umntwana ongumfana kumele anakekelwe okufana lomntwana oyintombazana ngoba laye uvame ukubhekana lenkinga ezitshiyeneyo esezikhathaza abasakhulayo ngalezi nsuku.
***Izakhamizi ezihlala ezindlini ezisendaweni yekhansili yedolobho lakoBulawayo ezeHyde Park, sezizaqhubekela phambili zihlala emizini yazo kweminye iminyaka elitshumi ezayo, ngemva kokuphiwa imvumo yikhansili yakoBulawayo.
***KuLivetalk namhlanje, sikhangela ukunanzwa kwekhefu lokukhumbula amaqhawe elizwe, ele Heroes Day.
Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318. Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke. Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.