Washington DC...........
*** UMongameli Emmerson Mnangagwa namuhla ukhuthaze uzulu weZimbabwe ukuthi ahlalisane ngokuthula njalo atshiyane lodlakela phambilini kokhetho lomnyaka ozayo. Wethule amazwi la eseNational Sports Stadium namuhla emkhosini wokunanza usuku lwamabutho olweDefense Forces Day.
*** Inengi labantu eZimbabwe, likhala ngokuthi intengo yempahla ezitolo ilokhe ikhuphuka lanxa indleko yamafutha ephethulo isiyehlile.
*** Abanye osomabhizimusi besifazana bathi ngalezi nsuku sekusiba ngcono ukusebenzela emaphandleni kulasemadolobheni.
*** Izizalwane zeKenya ziyavota namuhla kukhetho lokudinga umongameli njalo ingcwethi zithi uMnu. Raila Odinga loMnu. William Ruto yibo abahamba phambili.
*** Unobhala obona ngobudlelwano beMelika lamanye amazwe womhlaba u-U.S. Secretary of State Antony Blinken ukuhambo lwamazwe awezwekazi leAfrica, abalisa iSouth Africa, Rwanda leCongo. Lolu hambo lubikwa lujonge ukuyakuzwa imibono yalamazwe ngempi phakathi kweleRussia lele Ukraine.
***KuLivetalk namhlanje, kuhlelo “The Connection” sixoxa labasakhulayo ngelanga leDefence Forces Day elinanzwe namhlanje, ukuthi litshoni kibo.
Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318. Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke. Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.