Abanye abahlali bakoBulawayo batshengisele lamuhla kulelodolobho lapho abanikeze ikhansili izikhalazo zabo ezokuthi bephakhe imota zabo ngembadalo ephansi kulaleyo abayikhokhayo okwamanje, eye dola leMelika elilodwa ngehola.
Ngeviki edluleyo, inkampani eqhuba loluhlelo lokuphaka izimota koBulawayo, eyeTendy Three Investments ithe isebenza gadalala ukuthi abatshayeli bezimota benelise ukuthatha intshintshi ukuthi beyabhadala kweyinye indawo bengasuka isikhathi singakatshayi ukwenzela ukuthi bengalahlekelwa yimali yabo.
Ukuze sizwe okunengi ngaloludaba, sixoxe losomabhizimusi uMnu. Farai Manganda, obeqoqe lokhu ukutshengisela.
Your browser doesn’t support HTML5
Ingxoxo loMnu. Farai Manganga
Isikhulumeli sekhansili yakoBulawayo uNkosikazi Nesisa Mpofu uthi ngempela bemukele izikhalazo zabakade betshengisela njalo akukho okunengi angakuchasisa ngaloludaba bengakazicubunguli.
Your browser doesn’t support HTML5
Ingxoxo loNkosikazi Nesisa Mpofu