Ibandla leZanu PF Linqoba eleCCC eNkabazwe

IZimbabwe Electoral Commission (ZEC) ithi uMnu. Spencer Tshuma, owebandla leZanu PF, unqobe uMnu. Costain Muguti, okubandla leCitizens Coalition for Change (CCC), kukhetho lwe-byelection eGokwe-Kabuyini eNkabazwe.

IZEC ithi uTshuma uthole amavoti afika phose inkulungwane ezilitshumi lanye - 10,777 kwathi uMuguti wathola afika phose inkulungwane ezinhlanu - 4,800.

UMnu. Tafadzwa Mugwadi, obona ngokwethulwa kwemibiko kubandla leli, uthi bathakazelela impumela yokhetho lolu.

SEE ALSO:

Ingxoxo Esiyenze LoMnu. Tafadzwa Mugwadi

Kodwa abakubandla leCCC ekhokhelwa nguMnu. Nelson Chamisa bathi bekulobudlwangudlwanu obumangalisayo endaweni le kungakenziwa ukhetho.

UMnu. Gift Ostallos Siziba, umsekeli wesikhulumeli sebandla leli, uthi abantu babanjwe ngamandla ukuba bevotele ibandla leZanu PF.

SEE ALSO:

Ingxoxo Esiyenze LoMnu. Ostallos Siziba