Inhlanganiso yeIbhetshu likazulu ithi uphenyo elwenzileyo eSilobela, emangweni weMidlands, luveze ukuthi abasekeli bamabandla aphikisayo, ikakhulu abeCCC, bancitshwa ukudla okwabelwa abaswelayo.
Ithi iziphathamandla zeZanu PF zethusela njalo abamabandla aphikisayo laba zisithi kumele batshiyane lokusekela amabandla aphikisayo nxa bengafuni ukucatshiswa.
Sixoxe lomkhokheli weIbhetshu likazulu uMnu Mbuso Fuzwayo.
Your browser doesn’t support HTML5
Ingxoxo loMnu. Mbuso Fuzwayo
UMnu Mbuso Fuzwayo ngumkhokheli wenhlanganiso yeibhetshu likazulu.
Sixoxe njalo loMnu Agrippa Ndaba, umlisa ohlala kuWard 20 eSilobela, lapho okubikwa kuncitshwe khona abantu ukuhla.
UNdaba uyakulandula lokhu, esithi udubo olukhona yikuthi ukudla lokhu akwaneli umuntu wonke okufunayo.
Your browser doesn’t support HTML5
Ingxoxo loMnu. Agrippa Ndaba
Sehlulekile ukuxoxisana lenkokheli yeZanu PF eMidlands kanye lomphathintambo obona ngenhlelo zokuphathisa abaswelayo oweSocial Welfare uMnu Paul Mavhima.
Kodwa uhulumende uhlezi ekulandula ukuthi uncitsha abamabandla aphikisayo ukudla.