Ibandla leMDC-T elikhokhelwa nguMnu. Douglas Mwonzora lithi selixotshe owayengumsekeli ka mayor wedolobho lakoBulawayo njalo engukhansila ka ward three uMnu. Tinashe Kambarami ngoba engalandeli izixwayiso zalelibandla, kulandela ukubuyiselwa kwakhe kulezi izikhundla ngumthethwandaba ngenyanga edluleyo.
Isiphathamandla sikahulumende uMnu. July Moyo uselobele umabhalane wekhansili yakoBulawayo uMnu. Christopher Dube emazisa ngalelinyathelo kanye lokuthi sokulesikhenxe esikhundleni sikaMnu. Kambarami.
Isikhulumeli sebandla leMDC-T uMnu. Witness Dube uthi uMnu. Kambarami uxotshiwe ngoba kulandela isinqumo somthethwandaba kalalelanga isixwayiso esokuthi engaphatheki njengomsekeli kasodolobo wakoBulawayo emhlanganweni we full council meeting, bengakacubunguli loludaba, njengoba uKhansila Mlandu Ncube esaphethe lesi isikhundla.
Your browser doesn’t support HTML5
Ingxoxo loMnu. Witness Dube
Siphinde saxoxa loMnu. Swithern Chirowodza, isikhulumeli sebandla leCitizens Coalition for Change koBulawayo, yena othi kusobala ukuthi uMnu, Kambarami ubandlululwa ngokuthi inengi licabanga ngowomhlobo wesiShoneni.
Your browser doesn’t support HTML5
Ingxoxo loMnu.Swithern Chirowodza