Ukutholakala elecala okwenziwe umlobi olodumo, uTsitsi Dangarembgwa kubhica ngodaka ilizwe elivele lilesimo esibi.
U Dangarembga uze wagwetshwa kanye lomunye wakhe oyintathelizindaba uJulie Barnes, emthethwandaba kamantshi ngoLwesihlanu.
Ababili laba betheswa icala elokutshotshozela udlame lokwephula umthetho wokubasemphakathini ngesikhathi kuleziqondisi zokwenqabela ukumemethekwa kwegcikwane le coronavirus ngomnyaka ka2020.
Okumangalise abanye yikuthi ababili laba bazithwalela amabhakane babhikitsha. Inhlanganiso ezinenengi ezomhlaba jikelele zisole ukugwetshwa kwababili laba zisithi bavele bengalacala.
Umantshi uBarbara Mateko ubahlawulise i$70 000 wabeka eceleni isigwebo senyanga eziyisithupha nxa bengahlawula limali.
Umantshi uthe wekethise isigwebo ngenxayokuthi abasolwa sebekhulile, wesula inyanga zokupika ejele zonke nxa bengasoze badale cala elifanayo.
Amagqwetha amela ilungelo loluntu aweZimbabwe Lawyers For Human Rights, athe kuyadanisa kakhulu ukubona izinqumo ezinje ngoba kuveza sobala ukuba elezimbabwe liqhubekela phambili lingahloniphi amalungelo oluntu.
Abanye njalo bathi izenzo zikahulumende ziyayangisa ngoba uMongameli Mnangagwa uvela qamba amanga eNew York, phambi komhlaba wonke esithi uhulumende wakhe uhlonipha ilungelo likazulu wezimbabwe.
UGaynor Gumede Saidi uxoxe loMnu. Tamburai Gwekwerere, ilunga lebandla eliphikisayo eleCitizens Coalition for Change ngapha kweleMelika ukuze sizwe imbono yakhe ngaloludaba.
Your browser doesn’t support HTML5
Ingxoxo loMnu. Tamurai Gwekwerere
Njengoba iStudio Seven ingasekeli hlangothi uGaynor uphinde waxoxoa lelunga lebandla le zanu pf, uMnu. Malaki Nkomo.
Your browser doesn’t support HTML5
Amazwi kaMnu. Malachi Nkomo
Kodwa uGwekwerere uphinde wakulandula lokhu:
Your browser doesn’t support HTML5
Ingxoxo loMnu. Tamurai Gwekwerere 2