Inhlanganiso ezizimeleyo zithi izehlakalo zodlakela elizweni ngesikhathi sokhetho lwama by elections kumaviki edluleyo zibangela ukuthi umsebenzi wabo wokukhuthaza abantu ukuthi bebhalisele ukuvota ube lukhuni ngoba abanye besithi uhlelo lolu aluguquli impilo zabo.
UMnu. Nkosikhona Dibiti, isikhulumeli somanyano weEkhaya Vote 2023, uthi lanxa bekhuthaza abantu ukuthi bebhalisele ukuvota, izehlakalo zodlakela eInsiza leMatobo, imbiko yokuqilibezela kukhetho, kanye lokuxotshwa umsebenzi kwamakhansila eBinga kubangela ukuthi abanye babe madolo-nzima ukuphatheka kuloluhlelo.
UMnu. Dibiti utshele uSithandekile Mhlanga weStudio 7 ukuthi baqoqa imidlalo ehlukeneyo ezigabeni, lapho iziphathamandla zekhomishini yeZEC ezibhalisa abafuna ukuvota.
Your browser doesn’t support HTML5
Ingxoxo loMnu. Nkosikhona Dibiti