EzeZimbabwe

Umcimbi Wokwethula Idlalade Elitsha Lika Sandra Ndebele Utshiya Abanye Bebambe Owangaphansi Ngokwenziwe NguMthuli Ncube Labanye

  • VOA

FILE: USandra Ndebele wenza akwaziyo (Courtesy Image: Sandra Ndebele)

Babambe owangaphansi abantu kulandela okwenziwe yiziphathamandla zikahulumende ngoMgqibelo kusihlwa ezithenge idlalade lika Sandra Ndebele ngemali edlula kancane inkulungwane ezingamatshumi amabili zamadola eMelika – US$21,500.

Kubikwa ukuba uMnu. Mthuli Ncube, umphathintambo wezemali, uthenge idlalade lika Sandra Ndebele elitsha ngemali efika phose inkulungwane ezilitshumi zamadolar eMelika – US$8,500.

UMnu. Tino Machakaire, umsekeli womphathintambo obona ngezemidlalo, yena ukhokhe amadola azinkulungwane ezilitshumi lantathu – US$13,000.

Kulabanye njalo abadlelana lohulumende abakhokhela imali enengi okumangalisayo.

UMnu. Ambrose Sibindi, okunhlanganiso yeBulawayo Progressive Residents Association ngomunye wababambe owangaphansi ngokwenzakale koBulawayo uSandra Ndebele esethulela uzulu idlalade elitsha.

SEE ALSO:

Ingxoxo Esiyenze LoMnu. Ambrose Sibindi

UMnu. Nkululeko Innocent Dube, okuqembu le-iNkululeko Yabatsha School of Arts, uthi kuhle kakhulu okwenziwe nguMaNdebele labanye.

SEE ALSO:

Ingxoxo Esiyenze LoNkululeko Innocent Dube