WASHINGTON DC - Inhlanganiso zokholo lwesiKhristu sezisole ukutshaywa kwabasekeli beCCC ngabantu abacatshangelwa ukuthi ngamalunga eZanu PF eMurehwa North.
Inhlanganiso zokholo ezibalisa eyeZimbabwe Council of Churches leyeZimbabwe Catholic Bishops Conferece zethule imbiko zisola kakhulu loludlakela njalo zisithi amapholisa kumele abophe bonke ababonakala ku-video bebhaxabula okhulu labogogo abangamalunga eCCC eMurehwa besithi kungani beqhube umhlangano webandla labo.
Isikhulumeli samapholisa uMnu Paul Nyathi wazise ngoLwesine ukuthi ngemva kokubopha umsolwa wakuqala uMnu Never Chimutashu, oleminyaka yokuzalwa engamatshumi ayisithupha lasikhombisa, 67, sebebophe abanye njalo abasolwa ababili uPaul Kachigu, oleminyaka engamatshumi amathathu, 34 kanye loDignity Nadzo.
Abamabandla ezombusazwe amancane labo bathi udlakela lolu luveza sobala ukuthi ibandla leZanu PF lizatshaya abantu kuyiwa nje kukhetho, okuyinto elandulwa ngabebandla elibusayo.
Abamabdnala ezombumbasazwe amancane bathi labo baphatheke kubi kakhulu ngaloludlakela.
Ukuhlaziya loludaba sixhume umkhokheli webandla leNationalist Alliance Party oncintise kukhetho luka2018 njalo olilunga lePOLAD uMnu Divine Mhambi lomkhokheli webandla leDemocratic Union of Matabeleland, iDUMA, uMnu Khulekani Getjenge Ndlovu, onguye osungula lingxoxo.
Your browser doesn’t support HTML5
Ingxoxo loMnu Khulekani Getshenge Ndlovu loMnu Divine Mhambi