Omunye owesifazane obesetheswa icala lokuthengisa izidakamizwa elokitshini le Entumbane uyalandula icala aletheswayo.
Ilokitshi le Entumbane selidume kakhulu ngezidakamizwa ezibhenywa lokunathwa ngabasakhulayo.
Izakhamizi zaleli lokitshi zithi seziphatheka enhlelweni zokulwisana labathengisa izidakamizwa ukuze kube ngcono.
Izolo abahlali belokitshi leli bamanyene labantwana besikolo kanye lamapholisa betshengisela ngokufola besola ukwanda kwezidakamizwa esezigcwele kulindawo abathi sezilimaze abasakhulayo abanengi.
Bathi lokhu sokubangele abanye babo ukuthi bavalelwe esibhedlela sengqondo ese Ingutsheni.
Omunye wabetheswa icala lokuthengisa lezi zidakamizwa ngoyazakala ngelokuthi Mahadebe. UEzra Tshisa Sibanda we Studio Seven uxoxe laye ukuze sizwe ukuthi amapholisa atholani emuzini wakhe.
Your browser doesn’t support HTML5
Ingxoxo loMahadebe.
UEzra uphinde waxoxa lesikhulumeli samapholisa, uInspector Abednicho Ncube ukuze sizwe uhlelo abalwenze labazali kunye labantwana besikolo ukuzama ukuqeda udubo lwezidakamizwa elokitshini leli.
Your browser doesn’t support HTML5
Ingxoxo loInspector Abednicho Ncube.