Washington...................
UMongameli Emmerson Mnangagwa ukhokhele umhlangano wedale lakhe labaphantintambo bakahulumende, lapho athe ukhangelele ukuqhutshwa kwamabhizimisi ngemfanelo, okungela nkohlakalo.
UMngangagwa uthe uhulumende wakhe akasoze amela ukusetshenziswa kwendlela ezingaqondanga, okugoqela ukuqamba amabizo abantu abaphezulu, lapho abantu bedinga ibhizimusi. Ngakhoke inkampani lenkokheli yazo kufanele bebengabantu abahlezi beqaphele.
Your browser doesn’t support HTML5
UMongameli Emmerson Mnangagwa esipha inkulumo kudale labaphathintambo.m4a
Ukuhlaziya loludaba, I-Studio 7 ixoxe lengcwethi ecubungula ezombuazwe lezomnotho, uMnu. Rejoice Ngwenya . U-Ngwenya uthi abakuhulumende bavame ukukhuluma ngomlomo ngokuphathelane lenkohlakalo kodwa, abaziwayo ukuthi benza lokhu kababotshwa loba ukujeziswa nxa bengabebandla elibusayo.
"UMongameli welizwe, u-Emmerson Mnangagwa ukhulume into enhle kakhulu ukuthi nxa osobhizimusi bengena e-Zimbabwe, kumbe abakhona, kabafanelanga ukuba ngabantu benkohlakalo. Lelo liqiniso. Kodwa phela into yikuthi lonyaka ngumnyaka wokhetho. Nxa kulokhetho, uPresident Mnangagwa uvame ukukhuluma izinto ezinhle," kutsho uNgwenya.
Your browser doesn’t support HTML5
Ingxoxo loMnu. Rejoice Ngwenya mayelana lenkulumo ephiwe nguMongameli Mnangagwa emhlanganweni awuqhube labaphathintambo bakahulumende.m4a