Sokulokufuthelana kwele Nigeria okulindelwe impumela yokhetho lwangoMgqibelo ngoba abamabandla aphikisayo bathi ibandla elibusayo liyaqilibezela.
Kuzigaba ezilitshumi lanye ebesezibalwe amavoti ilunga lebandla elibusayo umnu. Bola Tinubu nguye kade ekhokhela ngesilinganiso soamavoti angamatshumi amane lasithupha, 46 percent kulandele owebandla eliphikisayo, uMnu Atiku Abubakar besekusiza omunye njalo owebandla eliphikisayo, umnu. Peter Obi.
Abamabandla aphikisayo baphume embuthanweni lapho kade kumemezelwa impumela yokhetho besithi ayihambelani laleyo ethulwe yiziphathamandla ezigabeni kade seziqanjiwe.
Owake waba ngumongameli walelolizwe, uMnu. Olesugun Obasanjo ucele ukuthi kuvotwe kutsha ezigabeni okulokufuthelana ngenxa yokungemukelwa kwempumela.
Akwaziwa ukuthi kuzokuba lokuvumnelana na.
Sixoxe lesizalwane seZimbabwe esikwele Nigeria, uNkosazana Thabisile Ncube.
Your browser doesn’t support HTML5
Ingxoxo loNkosazana Thabisile Ncube.