Ibandla le CCC likhala ngokwalelwa ukwenza imihlangano ngapha amalunga abanjwa ngamandla ukungena imihlangano yengatsha zama cell.
Lelibandla lithi ngoMgqibelo abasakhulayo bebandla le Zanu PF babikwa behambe ngandlu ngandlu, idoor –to-door emuzini we Eastview eHarare bebamba ngamandla umuntu wonke obalisa amalunga amabandla aphikisayo ukuthi aye emhlanganweni walelibandla.
Umgcinisihlalo wesigaba se Harare uMnu. Godwills Masimirembwa ubikwa etshele intathelizindaba ukuthi ibandla lakhe liphakathi kohlelo lokucwayisisa ngengatsha zama cell kodwa walandula ukuthi babamba uzulu ngamandla ukuthi aye emihlanganweni lesixoxe lomgcinisihlalo webandla le CCC esigabeni seMatabeleland south, umnu. Ntando ndlela ukuze sizwe okunengi ngaloludaba.
Your browser doesn’t support HTML5
Ingxoxo loMnu. Ntando Ndlela.
Njengoba iStudio Seven ingakhethi hlangothi uGaynor Gumede Sayidi we Studio Seven exoxe lesikhulumeli samapholisa uAssistant Commissioner Paul Nyathi ukuze sizwe ukuthi kungani amapholisa encitsha imvumo abamabandla aphikisayo.