Imikhankaso yokudinga amavoti phambilini kokhetho lwalonyaka iyaqhubeka, kodwa ibandla leCCC lilokhe likhala ngokuthi iZanu PF isebenzisa amapholisa ukuvimba imihlangano yalo.
Olunye udaba osolukhwezele ukufuthelana okukhulu phakathi kwamabandla womabili yikwala kwekhomisheni ezokhetho, ey Zimbabwe Electoral Commission ukuvezela ibandla le CCC uluhlu lwabavoti olwe-electronic voters’ roll.
Abasola umbuso weZanu PF bathi uMongameli Emmerson Mnangagwa usehlulekile ukuvuselela umnotho lokuthuthukisa impilo kazulu, ngakho, bathi kumele likhitshwe embusweni.
Umkhokheli weCCC uMnu Nelson Chamisa laye uthi iyaphuma kuphela embusweni iZanu PF lonyaka.
Ukuhlaziya loludaba uNtungamili Nkomo weStudio 7 uxhume ilunga leCCC uMnu Abednico Bhehe kanye lelunga leZanu PF, uMnu Believe Gaule waqala ngokubuza uMnu Gaule ukuthi kungani iCCC isaliswa ukwenza imihlangano yokukhankasela uketho, okungakaze kwenzakale kuZanu PF.
Your browser doesn’t support HTML5
Udaba Silethulelwa nguNtungamili Nkomo.