WASHINGTON - EleZimbabwe lithi lizaphatheka kumbukiso omkhulo owe-Osaka World Expo, ozaqhutshwa kwele Japan kusukela mhlaka 13 kuMabasa kusiyafika umhlaka 13 Mfumfu ngomnyaka ka2025.
UMnu. James Manzou, okuhlangothi lukahulumende olubona ngezokudlelana lamanye amazwe, utshele intathelizindaba eHarare ngoLwesibili ukuba umbukiso lo uqakatheke kakhulu ngakho-ke kukhangelelwe ukuba eleZimbabwe lizafunda okunengi embukisweni lo.
UManzou uthi eleZimbabwe lilakho ukuvezele amanye amazwe indawo eziphakeme ezokwethekelelwa, ezigoqela iMatopo National Park, Victoria Falls, Great Zimbabwe Ruins, lezinye.
Kukhangelelwe ukuba abantu abafika phose izigidi ezingamatshumi amathathu – 28 million bazahamba embukisweni lo ngomnyaka ka2025.
UMnu. Zifiso Masiye, umqondisi wenkampani yeBalancing Rocks Consultacy, uthi kuqakathekile ukuba eleZimbabwe lephatheke embukisweni lo.