Ibandla le CCC lithi kumele kubunjwe ikhomisheni ezacubungula ukuthi kuyini okubangele ukuthi kwethulwe kuphinde kwesulwe umthetho obuzavimba ukuvezwa kokuthengwa kwemithi lokunye okusetshenziswa ezibhedlela.
Uzulu uhlabe umkhosi ngomthetho lo owethulwe njengesiqondiso kugwalondaba lukahulumende, iGovernment Gazette.
Kodwa izolo unobhala wedale le cabinet, uMnu. Misheck Sibanda wethule umbiko esithi isiqondiso esethulwayo ngoLwesibili ngesamanga ngoba singelasandla sakhe, isignature, kumbe esika Mongameli Mnangagwa njengalokhu okuvame ukwenziwa.
Ibandla le CCC lithi ukwethulwa kombiko lo kuyethusa ngoba kulakho ukudala ukungahlaliseki elizweni okungabangelwa yikwethulwa kwemithetho ngabantu abayabe befuna ukubhidliza ilizwe.
Ke sizwe amazwi kamsekeli wesikhulumeli sebandla le CCC, uMnu. Felix Magalela Mafa Sibanda.
Your browser doesn’t support HTML5
Ingxoxo loMnu. Felix Magalela Mafa Sibanda.