Abadlelana leZanu PF Bamisa Umhlangano weCCC Owokukhetha Abazamela Ibandla Leli Kukhetho Olukhulu Oluzayo

WASHINGTON - Amalunga ebandla leCitizens Coalition for Change athi abakunhlanganiso yeForever Associates of Zimbabwe (FAZ) baphazamiswe umhlangano wabo eBikita izolo lapho akade bedinga abazabamela kukhetho lwamakhansila lamalunga edale lephalamende kukhetho oluzayo.

Bathi amalunga eFAZ, edlelana lebandla elibusayo, bafike kuWard 8 baphazamisa obekukhethwa khona amalunga eCCC phansi kohlelo lweConsensus Candidates Selections.

Abakunhlanganiso yeFAZ, uMnu. Kumbirai Ziki loMnu. Edson Gotora kuthiwa bebekhokhela abatsha abaphazamise umhlangano lo.

UGotora utshele iStudio 7 ukuba ngamanga aluhlaza tshoko ukuba baphazamise umhlangano lo.

Loba kunjalo, abakubandla leCCC bathi luqhubekela phambili uhlelo lwabo lokudinga abazancintisa kukhetho oluzayo. UNkosazana Ellen Shiriyedenga, obona ngezekhotho kubandal leli, uthi luqhubeka kahle uhlelo lwabo lokudinga abazangena kukhetho oluzayo.

SEE ALSO:

Ingxoxo Esiyenze loNkosazana Ellen Shiriyedenga

Sixoxe njalo loMnu. Nhlanhla Moses Ncube, okunhlanganiso ezimeleyo eyeFreedom Alliance, othi akukhanyi kahle okwenziwa libandla leCCC.

SEE ALSO:

Ingxoxo Esiyenze loNhlanhla Moses Ncube