WASHINGTON DC – Abebandla leZanu PF abakhankasela ukuthi umphathintambo wezemali uMnu Mthuli Ncube anqobe kukhetho lokudinga umeli weCowdray Park edale lePhalamende bathi bayakunanzelela ukuthi ngempela amanzi aphuma ezibholaneni ezigejwe nguNcube kuWard 6 lakuWard 15 awalungelanga ukunathwa ngoba eduzane lezambuzi zemigodi, ama-blair toilets.
Emizameni yokuhuga abantu ukuthi bamvotele, uNcube ubikwa esegebhe izibholane ezingamatshumi amabili lasithupha, 26, elokitshini leli njalo walungisa indawo ezilitshumi zokuthi abantu befinyelele amagagasi e-Wifi.
Ekhuluma emhlanganweni wokukhankasela lolukhetho ngoLwesithathu, uNcube ulandule imbiko ethi uhlala eSwitzerland, wathi ulendlu eseHawk Flight khonale eCowdray Park.
Ukhansila welokitshi leli uMnu Kidwell Mujuru, olilunga leZanu PF utshele iStudio 7 ukuthi yena loNcube bakhangelele ukunqoba kukhetho ngoba sebelethe intuthuko eCowdray Park.
Your browser doesn’t support HTML5
Ingxoxo loMnu Kidwell Mujuru