WASHINGTON DC – Ibandla leCCC selisole kakhulu amalunga eZanu PF kudale leSenate ngokupasisa umthetho weCriminal Law Codification and Reform Amendment Bill obizwa njalo ngokuthi yiPatriotic Bill, wona osumelele ukusayinwa nguMongameli Emmerson Mnangagwa ukuze ube ngumthetho pheleleyo.
Amalunga eZanu PF apasise lumthetho izolo njalo abamabandla aphikisayo behlulekile ukuwuvimba ngoba iZanu PF ilamalunga amanengi ukwedlula awabo kulelidale.
Lumthetho wenza kube licala ukuthi izizalwane zeZimbabwe zichothoze ilizwe lazo kumbe zicele ohulumende bamanye amazwe ukuthi bethese iZimbabwe izijeziso zenotho, ama-sanctions.
Abayatholakala belecala phansi kwawo balakho ukupika okweminyaka engamatshumi amabili, 20 years, kumbe ukulengiswa.
Isikhulumeli seCCC koBulawayo uMnu Swithern Chiroodza uthi lumthetho uzasetshenziswa nguhulumende weZanu PF ukuhlukuluza amalunga ebandla lakhe kanye labalwela amalungelo kazulu.
Your browser doesn’t support HTML5
Ingxoxo loMnu Swithern Chiroodza
Kodwa ilunga leZanu PF uMnu Believe Gaule uthi lumthetho uqondane lezigilamkhuba ezisebenza lezitha hatshi abeCCC.
Your browser doesn’t support HTML5
Ingxoxo loMnu Believe Gaule