Omunye wentathelizindaba ezibikwa zihlukuluzwe ngabebandla leZANU P koBulawayo ngoMvulo, uLungelo Ndhlovu, osebenza ezimele, uthi usinde ngokubaleka ngemva kokutshaywa kanye lapho okubhaxabulwe omunye wakhe uAnnahstacia Ndlovu weStudio 7 walimala.
UAnnahstacia uthi ulokhe esizwa ubuhlungu emzimbeni njalo ulindele usizo olukhangelelwe ukuvela kuhlanganiso elwela amalungelo entatheli eyeMISA-Zimbabwe, ukuze ayekwelatshwa njalo ahlolwe emitshineni.
Isikhulumeli samapholisa uMnu. Paul Nyathi utshele iStudio 7 ukuthi amapholisa asadingisisa ngaloludaba, njalo ibandla leZANU PF lithi alikhuthazi ukuthi kube lodlakela.
ULungelo Ndhlovu uchasisela uSithandekile Mhlanga weStudio 7 ngokumehleleyo, njalo uthi kuyadanisa ukuthi intathelizindaba azivikelekanga ukusebenza.
Your browser doesn’t support HTML5
Ingxoxo lo Lungelo Ndhlovu.
Kunjalo nje, ke sizwe amazwi kanobhala jikelele wenhlanganiso elwela ilungelo lentathelizindaba, eye Zimbabwe Union of Journalists, uMnu. Perfect Hlongwane.
Your browser doesn’t support HTML5
Ingxoxo loMnu. Perfect Hlongwane.