JOHANNESBURG - Zithi azisabuquthi izizalwane zeZimbabwe ezihlala enzikini yeJohannesburg ngemva kokudubuka okuquphule umgwaqo kwawisa izimota.
Besekusiyatshaya ihola lesithupha ntambama izolo ngesikhathi kudubuka umaquphula ongakaziwa enkabazwe yedolobho leJohannesburg.
Lokhu kudubuka kubangele ukudabuka phakathi komgwaqo ohamba izimota ezinengi obizwa ngokuthi nguBree.
Johannesburg explosion
Lokhu kudubuka kutshaye izimota zaqonga, ezinye zawela emipankeni yokudabuka komgwaqo kwangathi beseziginywa ngumhlaba. Lesi yisehlakalao esitshiye abantu abaphose befike amatshumi amahlanu (48) belimele, kwalimala imota eziphose zifike amatshumi amane (37) kwafa umuntu oyedwa.
Omunye umtshayeli womtshova uthi omunye wemitshoya utshaywe waqonga wafohloza uphahla lwesitolo esiseduze lomgwaqo.
Isizalwane seZimbabwe, uMnumnzana Justine William, uthi kakaze akubone okunjeya selokhu wathwetshulwa yingwe.
Johannesburg explosion
Kwaqhuma phansi and then sabona imoto seziphenduka abantu sebekhala kakhulu sesibona abantu begijima singakwazi ukuthi kwenzakalani. Siyesaba kakhulu kuyesabisa impela. Kusanuka ihasi lana so asazi kungenzakalani.”
Esinye isizalwane seZimbabwe, uMnumnzana Jabulani Mhlanga, uthi kabasabuquthi ebusuku besesaba ukuthi kuzaphinda futhi bafele ezitezi abahlala kuzo.
“That’s why bengibuza ukuthi sisazoba safe yini. Even lamanje asikabi settled sisesaba ukuthi kungaphinda futhi that’s why bexotsha abantu phandle. Bayabe bekutshela ukuthi hamba endlini but bekutshela ukuthi awukho safe.”
Johannesburg explosion
Kusenjalo usibalukhulu wesabelo seGauteng, uMnumnzana Panyaza Lesufi, utshele abezindaba ukuthi akukatholakali ngokugcweleyo ukuthi yini imbangela yalokhu kudubuka, kodwa sebelawo umkhondo wakho.
“Inhlolisiso esilokhu sisayilonda iveza ukuthi kulezinto thile ezithinta igasi lokusetshenziswa yinkampani yezokuxhumana eyeTelkom okungabe kubangele ukudubuka lokhu.”
Ngesikhathike iziphathamandla ziphezu kokucwayisisa lokhu izizalwane zeZimbabwe ezihlala enzinni yedolobho leJohannesburg zithi ngeke zibuqhuqe obukabhuka kungakaveli obala ukuthi yini ebangeke ukudubuka lokhu.
SEE ALSO:
Udaba Esilwethulelwe NguThuso Khumalo