Umthethwandaba weSupreme Court namuhla uzahluza udaba lwamalunga ebandla leCCC alitshumi lambili avinjwe ukuncintisa kukhetho lokudinga amalunga ePhalamende yiHigh Court koBulawayo ngoba isithi abantu laba bakhweza amaphepha abo eNomination Court isikhathi esasihlelwe yeZimbabwe Electoral Court sesedlule.
Ibandla leCCC likhweze udaba lolu eSupreme Court ngoba lisithi iHigh Court iphambanise ngesinqumo esethule kunsukwana ezedluleyo. AbeCCC laba bamangalelwa enkantolo ngamalunga leZanu PF.
Ilunga leZanu PF elincintisa kukhetho olufanayo uMnu Raj Modi laye umangalelwe ngomunye umhlali wakoBulawayo, othi kumele aliswe ukuncintisa ngoba laye wafaka amaphepha akhe ihola elalihleliwe seledlule.
Sibuze ohlaziya ezombusazwe uMnu Effie Dlela Ncube ukuthi ubona iSupreme Court iluphatha njani udaba lweCCC.
Your browser doesn’t support HTML5
Ingxoxo loMnu. Effie Dlela Ncube.