Washington D.C —
Amapholisa abophe amagqwetha amabili, oMnu. Doug Coltart lo Tapiwa Muchineripi abemele abalandeli bebandla le CCC, oMnu. Womberaishe Nhende lo Sanele Mkhuhlane kade bethunjiwe batshaywa bahlatshwa amajekiseni angaziwayo.
Ababili laba bathunjwa ngoMgqibelo eBelvedere eHarare batholakala ngelanga elilandelayo belamanxeba okutshaywa ngemvubu umzimba wonke.
Bebesesibhedlela lapho abelatshwa khona lamanxeba amapholisa efuna ukubabuzisisa kodwa amagqwetha abo, uColtart lo Muchineripi bathi amapholisa ame kancane ngoba ababili laba bengekho esimeni sokubuzisiswa.