Amalunga edale lephalamende kunye lamakhsila azagcotshwa kusasa esigodlweni se Harare.
Idolobho lakoBulawayo likhangelelwe ukugcoba amalunga edale lephalamende alitshumi lambili lamakhansila angamatshumi amabili lasitshiyagalolunye-29 lamuhla wonke engawebandla leCitizens Coalition for Change.
Kodwa iziphathamandla zalelibandla, eliphikisa impumela yokhetho lisithi kufanele kuqhutshwe olutsha, zenqabile ukukhuluma ngaloludaba.
Amanye amakhansila akhulume leStudio 7 athe ngempela azagcotshwa lamuhla ngoba ekhethwe ngabantu ukuthi aqhube umsebenzi wokuthuthukisa lelidolobho.
Phakathi kwamalunga la, kuloMnu. Ashton Mhlanga owanqoba ku Ward 15 eCowdray Park, encintise eyi “double candidate” ngoba ibandla lakhe lisithi wayengalamvumo yokwenzenjalo.
UMnu. Mhlanga esanda ukunqoba, isiphathamandla salelibandla esikhethwe ukuba nguKhansila ka ward 4 uMnu. David Coltart, waloba enkundleni yeTwitter emsola.
Kodwa uMnu. Mhlanga utshele iStudio 7 ukuthi uzagcotshwa lamuhla ngoba ngempela abantu bamvotela ngobunengi, njalo lekhomishini yeZEC ilihlelile ibizo lakhe njengomnqobi.
Umsekeli wesikhulumeli seCCC uMnu. Gift Siziba uthi ibandla lakhe lizakwethula umbiko ngaloludaba lamuhla.
UMgcinisihlalo wenhlanganiso yeBulawayo Progressive Residents Association uMnu. Ambrose Sibindi uthi izakhamizi zikhangelele ukuthi abanqobayo bagcotshwe.
Uthi kaboni kusiba lengxabano ngaloludaba
ebandla leCCC koBulawayo abikwa avinjwa yikhomishini yeZEC ukuthi athathe izikhundla zekhansili yesigaba sakoBulawayo I Provincial Council ngoba aphathana ekuqhubeni amaphepha awo kulikhomishini ngakho izikhundla zawo sezizakuya kwabe ZANU PF. Amalunga la abalisa u Aquilina Kayidza Pamberi, Tinashe Kambarami, Memory Ndlovu, Promise Dalubuhle Mkwananzi, Caroline Mapako, Garikayi Mugova, Kwanele Bango, Brian Gumbo, Gladys Mathe, lo Tawanda Ruzive
Igqwetha elibamelayo uMnu. Welshman Ncube oyisiphathamandla seCCC utshele lumsakazo ukuthi udaba lolu lusa hlolwa emthethwandaba ophakemeyo njengoba baphikisa ukugunyulwa kwamalunga abo.
Ibandla leCCC laphinda lathatha zonke izihlalo zedale lephalamende koBulawayo, linqoba amanye amabandla agoqela eleZANU PF.
Your browser doesn’t support HTML5
Udaba Silethulelwa nguSithandekile Mhlanga.