Uhulumende wakwele South Africa ngoMvulo uphanyeke emthethwandaba udaba lwama Zimbabwe Exemption Permits, ephikisa isinqumo esenziwa lidale le-Pretoria High Court elathi akumelanga emiswe ukusetshenziswa lonyaka.
UMnu. Aaron Motsoaledi, umphathintambo obona ngendaba zekhaya, uphanyeke udaba lolu eSupreme Court esithi isinqumo esethulwa yi-Pretoria High Court lonyaka sephula iziqondiso zesisekelo sombuso welizwe.
IPretoria High Court yathi kwakungaqondanga okwenziwa nguMotsoaledi lohulumende wakwele South Africa ababefuna ukumisa uhlelo lwe-Zimbabwe Exemption Permits bengakhulumisananga lozulu.
Umthethwandaba uthe uzahlolisisa udaba lolu ngesikhatshana esilandelayo.
UMnu. Nggabutho Mabhena, umgcinisihlalo wenhlanganiso ye-Zimbabwe Community in South Africa, uthi kuyethusa okwenziwa nguhulumende wakwele South Africa.
SEE ALSO:
Ingxoxo Esiyenze LoMnu. Ngqabutho Mabhena