UMongameli Emmerson Mnangagwa uncome kakhulu uhlelo olwe Geo Pomona Waste to Energy esithi luveza ukuzinikela kukahulumende wakhe ukuthuthukisa eleZimbbawe ukuba lihambelane lezinga lndlela zakulezi nsuku zokulondoloza imvelo ihlanzekile.
Lokhu kuphume emkhosini wokuvulwa okusemthethweni nguMongameli Mnangagwa, uhlelo lwabe Geo Pomona, lokuphehla amandla kagetsi kusetshenziswa izibi ezisendaweni lapo okulahlelwa lezi zibi ngabekhansili yaseHarare, eyePomona.
Geo Pomona
UMnangagwa uthe uhlelo lolu lufaka ele Zimbabwe esibangeni sokusebenzisa indlela zakulezi nsuku ukuguqula izibi kuntuthuko yelizwe njengamanye amazwe womhlaba.
"Uhlelo lolu luveza ukuba uhulumende uzimisele ukuba izabelo zethu zizaguqulwa ukuze zihambelane lokwenzakala emhlabenni wonke kulezi nsuku ukuze uzulu akhwabithe ubuhle be mvelo yethu"
UMongameli uqhubeke esithi ukwakhiwa kwe Geo Pomona kuveza ukuba abazotshala imali kuleli bayethemba isimo samabhizimusi kuleli.
President Mnangagwa at Geo Pomona ceremony
"Uhlelo lwe Geo-Pomona lutshengisa ukuba abazotshala imali kuleli balethemba kusimo samabhizimusi ethu kuleli bayathemba isimo samabhizimusi esenziwe nguhulumende wami."
Inkampani ye Geo Pomona Waste Management esebenza labatshali bemali abavela kwele Italy ithi bazasebenzisa ukuguqulwa kwezibi ukuze zibe ngamandla kagetsi kusetshenziswa imitshina yakulezi nsuku.
Geo Pomona
Uhulumende uthi kunje, uhlelo lwe Geo Pomona solunikeze abantu abangamakhulu phose amabili- 188 imisebenzi.
Kodwa uMeya weHarare uMnu Ian Makone uthi kusasekhona okunengi okumele kuqale kulungisiswe andubana lolu hlelo lwabe Geo Pomona lukhanye ukuthi liluncedo bani kuleli dolobho.
"Kumele ukuba kube lokuzwisisana phakathi kuka hulumende lekhansili ukuze inhlelo ezifana lalolu ziphumelele. Siyafisa ukuba kuphumelele ikakhulu ekuba idolobho lethu lihlanzeke."
Geo Pomona
Umsebenzi wenkampani leyi uza ngesikhathi umanisiphala weHarare waphikisa ukuba uhlelo lolu luqhubekele phambili ngoba engazwisisi ukuthi kungani kumele abhadale inkulungwane eziphezu kwamatshumi amabili zamadola eMelika-US$22,000 ngelanga.
Kodwa umqondisi weGeo Pomona umnumzana Delish Nguwaya okhulume leStudio 7, uyalandula ukuthi kukhona ukungezwisisani phakathi kukahulumende, ikhansili labo.
Eyinye ingcitshi esebenza lenhlanganiso yeYouth Environmental Management Plans (YEMAP) uMnu Pride Mkono uthi uhlelo lolu aluzwisiseki ukuba liluncedo bani njengoba lulendleko enkulu kuzakhamizi zeHarare.
"Uhlelo lolu lulenkulumo ezinengi ngoba idolobho le Harare lithi uhlelo lolu aluhambelani lendaba zamagetsi. Imali ezifunakalayo zinengi kakhulu ngoba uzulu uzathwala nzima ukubhadala limali"
Geo Pomona
Uhulumende uthi lolu hlelo luzaphehla amandla kagetsi alesisindo samaMegawatts angamatshumi edlula amabili-22Mega Watts (MW) okuzadla ukuthi abantu abafika amakhulu amahlanu-500 bathole imisebenzi.
Inengi lithi kulungile ukusebenzisa indlela zakulezinsuku ukugcina amadolobho ehlanzekile kodwa uzulu akalathemba lohlelo lolu ngoba imbadalo efunwa yinkampani le, andubana abuthe izibi kulelidolobho iphezulu kakhulu.
Your browser doesn’t support HTML5
Udaba Lwe GEO Pomona Waste Esilwethulelwa nguMlondolozi Ndlovu