Icala ebelisetheswa ababalisi ababotshwe ngoMgqibelo bephakathi kokutshengisela ngokufola besuka eMutare besiya eHarare lesuliwe ngoMvulo ngumthethwandaba weMarondera.
Ababalisi laba, abangamalunga enhlanganiso elwela amalungelo amatitshala eyeAmalgamated Rural Teachers Union of Zimbabwe (ARTUZ) bathi sebeqhubekela phambili ngokufola kwabo njalo balethemba lokuthi bazafika eHarare ngoLwesithathu kuyonale iviki njengokuhlela kwabo.
Bebemelwe ngamagqwetha enhlanganiso yeZimbabwe Lawyers for Human Rights, besetheswa icala lokutshengisela bengelamvumo, ukwephula umthetho wePOSA, kanye lokubangela ukungahlaliseki emphakathini, i criminal nuisance.
Umtshutshisi ubikwa enqabile ukuthetha leli icala ngemva kokutshengiswa incwadi eyalotshwa ngamapholisa eMashonaland East evumela ababalisi laba ukuthi befole.
Ababalisi bathi batshengisela ngoba befuna ukuholiswa ngemali yedola leMelika njengoba amabond notes engaselamandla. Bathi njalo bafuna uhulumende ebaholise imali yabo ye bonus yonke ngoba besithi ibisilela.
UNkosazana Catherine Jubane, isiphathamandla seARTUZ laye ophakathi kwalokhu ukufola, uthi abantu abanengi sebemanyene labo kulokhu ukutshengisela.
Your browser doesn’t support HTML5
Ingxoxo loNkosazana Catherine Jubane