EzeZimbabwe

Ababalisi Bamukela Ukuvulwa Kwezikolo, Kodwa Bathi Bafuna Iholo Labo Lengezwe

  • Sithandekile Mhlanga

Schoolchildren wait to enter their school in Harare, Zimbabwe, Monday Sept, 28, 2020. Zimbabwe schools have reopened in phases, but with smaller number of pupils, more teachers and other related measures to enable children to resume their education withou

WASHINGTON DC — 

Uhulumende uthi izikolo zizavulwa ngamahlandla atshiyeneyo njalo kuzaqala ngabafundi abaloba imihloliso mhlaka 15 kulinyanga ababalisa oGrade 7, oForm 4 laboForm 6.

Abanye abafundi bazavula kulinyanga njalo mhlaka 22.

Lokhu kuvezwe ngumphathintambo obona ngokwethulwa kwembiko uNkosikazi Monica Mutsvangwa izolo.

Ababalisi bathi lanxa bevumelana lohulumende, bafuna aqale athathe amanyathelo okubavikela kanye labafundi kumkhuhlane wecovid-19.

Isiphathamandla senhlanganiso yeProgressive Teachers Union of Zimbabwe (PTUZ) uMnu Nation Mudzitirwa utshele iStudio 7 ukuthi bafuna njalo uhulumende abengezelele iholo.

Your browser doesn’t support HTML5

Ingxoxo loMnu Nation Mudzitirwa

Amazwi kaMnu Mudzitirwa agcizelelwe yisiphathamandla senhlanganiso yeZimbabwe Teachers Association (ZIMTA) uMnu Sifiso Ndlovu.

Your browser doesn’t support HTML5

Ingxoxo loMnu Sifiso Ndlovu

Kusenjalo, ugatsha lwezempilakahle luthi kubhubhe abantu abane ngeCodiv-19 eZimbabwe izolo njalo kwatholakala abangamatshumi amathathu lantathu belomkhuhlane lo.

Lokhu kukhuphule inani lasebefile laya kunkulungwane elamakhulu amane lamatshumi ayisikhombisa lambili, 1,472.

Asebefunyenwe belawo sebesedlula inkulungwane ezingamatshumi amathathu, 36,148.